Il testo

Burrascata subb’a finestra
Quasi quasi nun si vida cchiù
l’acqua scinna coma na tenda
e ru tempu s’arraggia e cchiù.

Burrascata ca vena du mare
pioggia e sale annaffia sta città
vagna a strada a ru marciapiede
e ru cielu di ni juta già.

Inquietante tu parre e stoni
note sciatte dintra o core mio
tarantella ca a barca abballa
burrascata da vita mia…

Sole, sole, sole, sole e sole,
tu ca scaldi moni adduvi si?
Ma chiove, chiove, chiove, chiove e chiove
a marina si fa sintiri
ccu sti truni nn si po’ durmiri
e restu sveglia.

Burrascata subb’a finestra
quasi quasi nun si vida cchiù
l’acqua scinna coma na tenda
e ru mare s’infuria cchiù.

Burrascata a fine d’agosto
l’aria è frisca aieri invece no
sbatta u ventu subb’a finestra
trasa a pioggia e trase pure tu.

Invadente tu parre e stoni
note sciatte dintra o core mio
tarantella ca a barca abballa
burrascata da vita mia…
Sole, sole, sole, sole e sole,
tu ca scaldi moni adduvi si?
Ma chiove, chiove, chiove, chiove e chiove
a marina si fa sintiri
ccu sti lampi mo pozzu vidiri
e restu sveglia